Himoyachi Benjamen Pavar yozgi transfer oynasida “Bavariya”ni tark etmoqchi. Bayern & Germany jurnalistlarining fikriga ko‘ra, nemis giganti rahbariyati fransiyalik lateral bilan xayrlashishga tayyor.

Manbaning qayd etishicha, Bundesliga chempioni o‘z futbolchisi uchun narx belgilagan. "Bavariya" Benjamen uchun 30-40 million yevro taklif olsa, uni sotadi. Oldinroq himoyachiga "Manchester Yunayted" va "Inter" klublari qiziqish bildirayotgani haqida xabarlar tarqalgan edi.

Pavar Bundesliganing so‘nggi mavsumida 30 ta o‘yinda maydonga tushib, 4 ta gol va bitta golli uzatmani amalga oshirdi.