Ҳимоячи Бенжамен Павар ёзги трансфер ойнасида “Бавария”ни тарк этмоқчи. Bayern & Germany журналистларининг фикрига кўра, немис гиганти раҳбарияти франциялик латераль билан хайрлашишга тайёр.
Манбанинг қайд этишича, Бундеслига чемпиони ўз футболчиси учун нарх белгилаган. "Бавария" Бенжамен учун 30-40 миллион евро таклиф олса, уни сотади. Олдинроқ ҳимоячига "Манчестер Юнайтед" ва "Интер" клублари қизиқиш билдираётгани ҳақида хабарлар тарқалган эди.
Павар Бундеслиганинг сўнгги мавсумида 30 та ўйинда майдонга тушиб, 4 та гол ва битта голли узатмани амалга оширди.
