"Tottenxem" hujumchisi Xarri Keyn joriy mavsumda "Bavariya"ga o‘tishni istamaydi, deb xabar beradi Bild.
Manbaga ko‘ra, nemis klubi 29 yoshli futbolchini o‘z safiga qo‘shib olmoqchi bo‘lgan jamoalardan biri va uni o‘z uslubiga eng mos hujumchi sifatida ko‘rmoqda. Biroq, ingliz futbolchisi yo "Manchester Yunayted"ga o‘tmoqchi yoki yana bir mavsumni "Tottenxem"da o‘tkazmoqchi.
Avvalroq Keyn xorijga ketish niyatida emasligi, chunki u APLdagi gollar soni bo‘yicha Alan Shirerning rekordini (260) yangilashiga atigi 48 ta gol qolgani haqida xabar berilgandi.
Hujumchi joriy mavsumda “Tottenxem” safida barcha turnirlar doirasida 49 ta o‘yinda maydonga tushib, 32 ta gol urdi va 5 ta golli uzatmani amalga oshirdi. Transfermarkt portali uning narxini 90 million yevroga baholamoqda. Uning shartnomasi 2024 yilning yoziga qadar mo‘ljallangan.
