"Napoli" joriy mavsumda "Reyms"da ijara asosida o‘ynagan "Arsenal" hujumchisi Folarin Balogunni qo‘lga kiritish uchun shu yozda kurash olib boradi.
The Mirror xabariga ko‘ra, klub 21 yoshli futbolchi uchun "Milan" bilan raqobatlashadi. "Napoli" yangi hujumchi qidirmoqda, chunki yozda Viktor Osimxen jamoadan ketishi kutilmoqda.
Joriy mavsumda Balogun “Reyms” safida barcha turnirlar doirasida 38 ta o‘yinda maydonga tushib, 21 ta gol urdi va 3 ta golli uzatmani amalga oshirdi. Transfermarkt portaliga ko‘ra futbolchining narxi 25 million yevroga baholanmoqda.