"Наполи" жорий мавсумда "Реймс"да ижара асосида ўйнаган "Арсенал" ҳужумчиси Фоларин Балогунни қўлга киритиш учун шу ёзда кураш олиб боради.
The Mirror хабарига кўра, клуб 21 ёшли футболчи учун "Милан" билан рақобатлашади. "Наполи" янги ҳужумчи қидирмоқда, чунки ёзда Виктор Осимхен жамоадан кетиши кутилмоқда.
Жорий мавсумда Балогун “Реймс” сафида барча турнирлар доирасида 38 та ўйинда майдонга тушиб, 21 та гол урди ва 3 та голли узатмани амалга оширди. Transfermarkt порталига кўра футболчининг нархи 25 миллион еврога баҳоланмоқда.