Portugaliyalik hujumchi Krishtianu Ronaldu "An-Nasr"dagi transferlarga ta’sir o‘tkazish huquqini qo‘lga kiritdi, deb xabar beradi AS.

Nashrning yozishicha, klub Ronalduga yaqin oylarda klubning transferlari bo‘yicha maslahat berish huquqini bergan. "An-Nasr" rahbariyati hujumchini o‘ziga yoqadigan futbolchilar bilan o‘rab bermoqchi.

Xabar berishlaricha, shartnoma imzolashda 38 yoshli portugaliyalikning fikri hal qiluvchi bo‘ladi.

O‘tgan mavsum yakunida “An-Nasr” Ronaldu bilan birgalikda chempionatda ikkinchi o‘rinni egallab, birorta sovrin yuta olmadi.