Lionel Messi Liga 1ning 38-turida “Klermon”ga qarshi o‘yinda (2:3) “PSJ”dagi so‘nggi uchrashuvini o‘tkazdi.
35 yoshli argentinalik parijliklar safida so‘nggi o‘yinda gol ura olmadi. U erkin agent sifatida jamoadan ketadi.
Messi "PSJ"da ikki mavsum o‘tkazdi. Bu vaqt ichida u uchta sovrinni qo‘lga kiritdi - ikki marta Fransiya chempionati, shuningdek, mamlakat Superkubogi.
Joriy mavsumda Leo 41 o‘yinda 21 ta gol urdi va 20 ta golli uzatmani amalga oshirdi. Liga 1da 16ta uzatma bilan u eng yaxshi assistentga aylandi.
U "PSJ" safida jami 75 ta o‘yin o‘tkazib, 32 ta gol urdi, 35 ta golga assistentlik qildi va bitta sariq kartochka oldi.
