Portugaliya terma jamoasi va “An-Nasr” klubining markaziy hujumchisi Krishtianu Ronaldu JCH-2026da ishtirok etishi borasidagi savolga javob berdi.
“Birinchidan, men Yevro-2024da o‘ynashni xohlardim. Men uchun hozir qisqa muddatli maqsadlar muhim. Keyin nima bo‘lishini ko‘ramiz", - deya xabar berdi 38 yoshli hujumchi.
Eslatib o‘tamiz, Krishtianu "An-Nasr" safiga shu yil boshida kelib qo‘shilgan va 2025 yilgacha mo‘ljallangan shartnoma imzolagandi.
Yakunlangan mavsumda hujumchi Saudiya Arabistoni chempionatining 16 ta uchrashuvida qatnashib, 14 ta gol va 2 ta golli uzatmani amalga oshirdi.
