O‘zbekiston Olimpiya terma jamoasi 6 iyun kuni Toshkentda navbatdagi o‘quv-mashg‘ulot yig‘inlariga kirishadi.
Vakillarimiz 11 iyun kuni Farg‘onada Qirg‘iz Respublikasi U-23 termasiga qarshi o‘rtoqlik uchrashuvida maydonga tushadi. Yig‘inning ikkinchi qismida esa 16-19 iyun kunlari safarda Xitoyga qarshi o‘yin o‘tkazadi.
Timur Kapadze mazkur yig‘inga jalb etilgan futbolchilarning kengaytirilgan tarkibini e’lon qildi. Ushbu yig‘inga O‘zbekiston yoshlar terma jamoasidan Boymurodov, Ahrorov, O‘rozov, Mahamadjonov, Rahmonaliyev, Asqarov, Xoldorxonov kabi futbolchilar taklif etildi.
Qayd etish kerak, yig‘inning ikkinchi qismi oldidan yakuniy ro‘yxatga o‘zgartirishlar kiritilishi mumkin.
