Yarim himoyachi Ilkay Gyundogan “Manchester Siti” bilan yangi mehnat shartnomasini imzolash borasida hali kelishuvga erishgani yo‘q. Bu haqda uning agenti ma’lum qildi.
«Manchester Siti bilan hali hech narsa kelishib olingani yo‘q. Boshqa klublar haqida ham shunday deyish mumkin.
Hamma mish-mishlar haqiqatga to‘g‘ri kelmaydi. Endi Ilkay bor e’tiborini faqat Chempionlar ligasi finaliga qaratgan", - deydi uning agenti.
32 yoshli yarim himoyachining “shaharliklar” bilan amaldagi shartnomasi shu oy oxirida yakuniga yetadi.
Avvalroq OAV «Barselona» germaniyalik futbolchining xizmatlariga qiziqish bildirayotgani haqida xabar tarqatgandi.