Ярим ҳимоячи Илкай Гюндоган “Манчестер Сити” билан янги меҳнат шартномасини имзолаш борасида ҳали келишувга эришгани йўқ. Бу ҳақда унинг агенти маълум қилди.
«Манчестер Сити билан ҳали ҳеч нарса келишиб олингани йўқ. Бошқа клублар ҳақида ҳам шундай дейиш мумкин.
Ҳамма миш-мишлар ҳақиқатга тўғри келмайди. Энди Илкай бор эътиборини фақат Чемпионлар лигаси финалига қаратган", - дейди унинг агенти.
32 ёшли ярим ҳимоячининг “шаҳарликлар” билан амалдаги шартномаси шу ой охирида якунига етади.
Аввалроқ ОАВ «Барселона» германиялик футболчининг хизматларига қизиқиш билдираётгани ҳақида хабар тарқатганди.
