"Manchester Siti"ning belgiyalik yarim himoyachisi Kevin de Bryuyne Chempionlar ligasi finalida o‘yinni oxirigacha yetkaza olmadi va jarohat sabab erta almashtirildi. Ammo u sheriklarining amalga oshirgan ishlaridan mamnun.
"So‘nggi ikki oy men uchun oson bo‘lmadi, mushak bilan muammolar muntazam ravishda paydo bo‘ldi. Lekin, xayriyatki, jamoa baribir g‘alaba qozona oldi. Biz juda qattiq mehnat qildik. Bu safar final bahsida mag‘lub bo‘lmaslikning uddasidan chiqdik. Mening eng yaxshi o‘yinim emas, lekin hozir g‘alabani nishonlash vaqti", - dedi de Bryuyne.
