Turinning "Yuventus" klubining hujumkor yarim himoyachisi Federiko Kyeza Angliya Premyer-ligasining yana bir vakilining qiziqishlari doirasiga tushib qoldi. Bu haqda La Repubblica nashri xabar bermoqda.

Manbaga ko‘ra, "Nyukasl" Chempionlar ligasida o‘ynashdan oldin o‘zini kuchaytirish niyatida 25 yoshli italiyalik vingerni o‘z safiga qo‘shib olmoqchi. O‘z navbatida, "Yuventus" Federiko uchun 60 million yevro to‘lasa, uni sotishga tayyor.

Kyezaning transferiga "qarg‘alar"dan tashqari Londonning "Arsenal" jamoasi ham qiziqish bildirmoqda. Futbolchining o‘zi klubini o‘zgartirishga qarshi emas.

Yarim himoyachi o‘tgan mavsumda 33 ta o‘yinda maydonga tushib, 4 ta gol urdi va 6 ta golli uzatmani amalga oshirdi.