"Roma" hujumchisi Paulo Dibalaning agenti Xorxe Antun Saudiya Arabistoni klublarining mijoziga qiziqish bildirayotgani haqidagi mish-mishlarni rad etdi.
"Paulo hech kim bilan kelajagini muhokama qilmagan, Saudiya Arabistoni klublaridan unga qo‘ng‘iroq qilishmagan. Men Dibalaning transfer bo‘yicha takliflarini tinglash uchun mas’ulman, ammo hozircha faqat futbolchi ta’tilda ekanligini aytishim mumkin" - deya agentdan iqtibos keltiradi jurnalist Fabrisio Romano ijtimoiy tarmoqlarda.
Avvalroq, "Roma" Dibala bilan yangi shartnoma borasida muzokara boshlagani haqida xabarlar tarqalgan edi. Amaldagi shartnomada futbolchini har qanday xorij klubi uni 12 million yevroga sotib olishi mumkin bo‘lgan tovon puli bor.
