"Рома" ҳужумчиси Пауло Дибаланинг агенти Хорхе Антун Саудия Арабистони клубларининг мижозига қизиқиш билдираётгани ҳақидаги миш-мишларни рад этди.
"Пауло ҳеч ким билан келажагини муҳокама қилмаган, Саудия Арабистони клубларидан унга қўнғироқ қилишмаган. Мен Дибаланинг трансфер бўйича таклифларини тинглаш учун масъулман, аммо ҳозирча фақат футболчи таътилда эканлигини айтишим мумкин" - дея агентдан иқтибос келтиради журналист Фабрицио Романо ижтимоий тармоқларда.
Аввалроқ, "Рома" Дибала билан янги шартнома борасида музокара бошлагани ҳақида хабарлар тарқалган эди. Амалдаги шартномада футболчини ҳар қандай хориж клуби уни 12 миллион еврога сотиб олиши мумкин бўлган товон пули бор.
