"Yuventus" hujumchisi Federiko Kyeza faoliyatini APLda davom ettirishi mumkin, deb xabar beradi La Republicca.
Manbaning xabariga ko‘ra, 25 yoshli italiyalikning transferiga "Arsenal" va "Nyukasl" klublari qiziqish bildirmoqda. "Yuventus" futbolchini 60 million yevro evaziga qo‘yib yuborishga tayyor.
Oldinroq Kyeza Turin klubini tark etishga qaror qilgani haqida xabar berilgandi.
O‘tgan mavsumda futbolchi barcha turnirlarda 33 ta o‘yinda maydonga tushib, 4 ta gol urdi va 6 ta golli uzatmani amalga oshirdi.