"PSJ" yanvar oyidagi transfer oynasida o‘zining hujumchisi Kilian Mbappeni sotish haqida o‘ylayotgandi. Jurnalist Santi Aunaning so‘zlariga ko‘ra, klubning qatarlik xo‘jayinlari fransiyalik futbolchining doimiy ravishda jamoani bosim ostida qoldirishi, ortiqcha e’tiborni jalb qilishidan charchagan.
Qayd etilishicha, yanvar oyida "PSJ" Mbappeni sotishga tayyor edi, biroq 180-200 million yevroga. Hozirda "Real Madrid" fransiyalik futbolchiga jiddiy da’vo qilmoqda, Kilian shunchaki ketishni xohlaydi. To‘g‘ri, "qirollik klubi" Mbappe uchun so‘ralgan summani to‘lab, transfer rekordini yangilashga rozi bo‘lishi aniq emas.
Eslatib o‘tamiz, Kilianning parijliklar jamoasi bilan shartnomasi tugashiga bir yil qoldi.













