"ПСЖ" январь ойидаги трансфер ойнасида ўзининг ҳужумчиси Килиан Мбаппени сотиш ҳақида ўйлаётганди. Журналист Санти Аунанинг сўзларига кўра, клубнинг қатарлик хўжайинлари франциялик футболчининг доимий равишда жамоани босим остида қолдириши, ортиқча эътиборни жалб қилишидан чарчаган.
Қайд этилишича, январь ойида "ПСЖ" Мбаппени сотишга тайёр эди, бироқ 180-200 миллион еврога. Ҳозирда "Реал Мадрид" франциялик футболчига жиддий даъво қилмоқда, Килиан шунчаки кетишни хоҳлайди. Тўғри, "қироллик клуби" Мбаппе учун сўралган суммани тўлаб, трансфер рекордини янгилашга рози бўлиши аниқ эмас.
Эслатиб ўтамиз, Килианнинг парижликлар жамоаси билан шартномаси тугашига бир йил қолди.
