La Liganing o‘tgan mavsumdagi uchinchi eng yaxshi to‘purari Xoselu "Real"ning qiziqishlari haqida fikr bildirdi. Eslatib o‘tamiz, "Espanyol" hujumchisi tez orada "Qirollik klubi"ning yangi futbolchisiga aylanishi kutilmoqda.

“Santyago Bernabeu"da “Real” futbolchisi sifatida debyut qilganman. Buni unutib bo‘lmaydi. O‘ylaymanki, sayyoramizning istalgan o‘yinchisi "Real" libosini kiyishni yaxshi ko‘radi", - deya futbolchining so‘zlarini keltiradi Marca.

2022/23 yilgi mavsumda Xoselu Ispaniya chempionatida 16 ta gol urdi, ammo bu uning “Espanyol” klubini mamlakat ikkinchi divizioniga tushib ketishdan saqlab qolmadi. "Real Madrid" uchun hujumchi avvalroq 2011/12 yilgi mavsumda harakat qilgan.