Ла Лиганинг ўтган мавсумдаги учинчи энг яхши тўпурари Хоселу "Реал"нинг қизиқишлари ҳақида фикр билдирди. Эслатиб ўтамиз, "Эспаньол" ҳужумчиси тез орада "Қироллик клуби"нинг янги футболчисига айланиши кутилмоқда.
“Сантьяго Бернабеу"да “Реал” футболчиси сифатида дебют қилганман. Буни унутиб бўлмайди. Ўйлайманки, сайёрамизнинг исталган ўйинчиси "Реал" либосини кийишни яхши кўради", - дея футболчининг сўзларини келтиради Marca.
2022/23 йилги мавсумда Хоселу Испания чемпионатида 16 та гол урди, аммо бу унинг “Эспаньол” клубини мамлакат иккинчи дивизионига тушиб кетишдан сақлаб қолмади. "Реал Мадрид" учун ҳужумчи аввалроқ 2011/12 йилги мавсумда ҳаракат қилган.
