“Zenit” yarim himoyachisi Vilmar Barrios faoliyatini Italiyada davom ettirishi mumkin.

Jurnalist Janluka Di Marsio sayti xabariga ko‘ra, "Jenoa" 29 yoshli kolumbiyalik futbolchini olmoqchi. Mavsum oxirida klub A Seriyaga qaytdi va Italiya futboli elitasida o‘ynash uchun tarkibni kuchaytirmoqchi.

2022/23 yilgi mavsumda Barrios barcha turnirlarda 31 ta o‘yinda maydonga tushib, 1 ta gol va 2 ta golli uzatmani amalga oshirgan.

Transfermarkt portali futbolchining narxini 20 million yevroga baholamoqda.