Madridning "Atletiko" klubi yetakchisi Antuan Grizmanning shartnomasini bekor qilish bandi ma’lum bo‘ldi.

L’Equipe nashri jurnalisti Loik Tanzi xabariga ko‘ra, forvardning "matraschilar" bilan kelishuvida ko‘rsatilgan tovon puli 25 million yevrodan kam. Ma’lum qilinishicha, ushbu element shu yilning yozidayoq faollashtirilishi mumkin, ammo ayni damda futbolchining o‘zi Madrid klubini tark etishni istamayapti.

Eslatib o‘tamiz, mish-mishlarga ko‘ra, "PSJ" rahbariyati Kilian Mbappe o‘rniga Grizmannni olib kelmoqchi, uning uchun 100 million yevro taklif qilmoqda. Transfermarkt portali 32 yoshli futbolchining narxini 25 million yevroga baholamoqda.