Мадриднинг "Атлетико" клуби етакчиси Антуан Гризманнинг шартномасини бекор қилиш банди маълум бўлди.
L’Equipe нашри журналисти Лоик Танзи хабарига кўра, форварднинг "матрасчилар" билан келишувида кўрсатилган товон пули 25 миллион евродан кам. Маълум қилинишича, ушбу элемент шу йилнинг ёзидаёқ фаоллаштирилиши мумкин, аммо айни дамда футболчининг ўзи Мадрид клубини тарк этишни истамаяпти.
Эслатиб ўтамиз, миш-мишларга кўра, "ПСЖ" раҳбарияти Килиан Мбаппе ўрнига Гризманнни олиб келмоқчи, унинг учун 100 миллион евро таклиф қилмоқда. Transfermarkt портали 32 ёшли футболчининг нархини 25 миллион еврога баҳоламоқда.
