Zlatan Ibrahimovich faoliyatini yakunlaganini e’lon qilganidan bir necha hafta o‘tib “Milan”da boshqa rasmiy lavozimda ishlash bo‘yicha muzokaralar olib bormoqda.

Ibrahimovich 41 yoshida, 4 iyun kuni bo‘lib o‘tgan "Milan" va "Verona" o‘rtasidagi mavsumning so‘nggi o‘yinidan so‘ng faoliyatini yakunlaganini e’lon qilgandi. Umuman olganda, Ibrahimovich klublar darajasidagi futbolda 511 ta gol urgan bo‘lsa, shundan 93 tasi "Milan"dagi ikkinchi davrida kiritilgan. Zlatan Italiya klubi bilan munosabatlarini davom ettirishi mumkin – u faoliyatidagi navbatdagi qadamni hozirdan rejalashtirmoqda. Italiyadan olingan xabarlarga ko‘ra, shved futbolchisi "Milan" bilan klubdagi mavhum o‘rin uchun muzokaralar olib borgan. Italiyaning Calciomercato nashrining ta’kidlashicha, Ibrahimovich "rahbariyat va jamoa o‘rtasidagi bo‘g‘in" vazifasini bajaradi. Ibrahimovich klub bilan uning yangi roli borasidagi imkoniyatlarni muhokama qildi, biroq taklifni qabul qilish-qilmaslik haqida qaror qabul qilish uchun unga vaqt kerak. "Milan" esa kutishga tayyor. Klub prezidenti Paolo Skaroni Corrierra dello Sport nashriga bergan intervyusida Ibrahimovich uchun eshik ochiq ekanligini tasdiqladi: "Menda u ta’tilga chiqmoqchidek taassurot qoldirdi. U bizning do‘stimiz, biz undan qarzdormiz, chunki u eng qiyin daqiqalarda bizga muvaffaqiyat qozonishimizga yordam berdi. Agar u yangi g‘oyalarni o‘ylab topsa, biz ularni birinchi bo‘lib tinglaymiz".

Avvalroq, Ibrahimovichga 2017 yilda "Manchester Yunayted"da murabbiylar shtabidan joy taklif qilingandi - Joze Mourinyo shvedni o‘z shtabiga olmoqchi edi. Balki hozir vaqt kelgandir?