Jud Bellingem "Real Madrid"ga sotilganidan so‘ng, Dortmundning "Borussiya" klubi markaziy yarim himoyachi pozisiyasida yangi o‘yinchiga muhtoj. De Telegraaf ma’lumotlariga ko‘ra, "Ayaks" futbolchisi Edson Alvares "asalarilar" uchun ustuvor tanlovdir.
Manbaga ko‘ra, Dortmundning "Borussiya" klubi 25 yoshli Alvaresga birinchi shartnoma taklifini yuborgan. Dortmundliklar futbolchi bilan kelishishi bilanoq “Ayaks” bilan bog‘lanishadi. Dortmundliklar meksikalik uchun taxminan 35 million yevro to‘lashga tayyor.
Edson Alvares "Ayaks"da 2019 yilning yozidan buyon o‘ynamoqda. 2022/2023 yilgi mavsumda meksikalik futbolchi 44 uchrashuvda 4 ta gol urdi va 3 ta golli uzatmani amalga oshirdi.