"Manchester Siti" himoyachisi Kayl Uoker Myunxenning "Bavariya" klubi bilan muzokaraga kirishdi.
Myunxen klubining ingliz futbolchisiga qiziqishi juma kuni ma’lum bo‘ldi. 90min xabariga ko‘ra, "Bavariya" 33 yoshli futbolchi bilan muzokaralarni boshlab, aniq harakatlarga o‘tdi. Futbolchi Xosep Gvardiola jamoasidagi o‘rnidan norozi va Myunxenga o‘tishdan manfaatdor.
Kayl Uoker 2017 yildan beri "Manchester Siti"ga tegishli. Yakunlangan mavsumda himoyachi barcha turnirlarda 39 ta o‘yin o‘tkazib, bir marta golli uzatmani amalga oshirib, "shaharliklar"ga trebl yutishlariga yordam berdi. Uokerning klub bilan shartnomasi kelasi yili tugaydi.
