"Манчестер Сити" ҳимоячиси Кайл Уокер Мюнхеннинг "Бавария" клуби билан музокарага киришди.
Мюнхен клубининг инглиз футболчисига қизиқиши жума куни маълум бўлди. 90min хабарига кўра, "Бавария" 33 ёшли футболчи билан музокараларни бошлаб, аниқ ҳаракатларга ўтди. Футболчи Хосеп Гвардиола жамоасидаги ўрнидан норози ва Мюнхенга ўтишдан манфаатдор.
Кайл Уокер 2017 йилдан бери "Манчестер Сити"га тегишли. Якунланган мавсумда ҳимоячи барча турнирларда 39 та ўйин ўтказиб, бир марта голли узатмани амалга ошириб, "шаҳарликлар"га требл ютишларига ёрдам берди. Уокернинг клуб билан шартномаси келаси йили тугайди.
