Londonning "Chelsi" klubi jamoa bosh murabbiyi Maurisio Pochettino qiziqish bildirayotgan yarim himoyachi Gabri Veyga transferi bo‘yicha kelishuv shartlarini bilish uchun Ispaniyaning "Selta Vigo" klubi bilan bog‘landi.
Jurnalist Fabrisio Romanoning so‘zlariga ko‘ra, "ko‘klar" futbolchini 40 million yevroga sotib olishi mumkin, bu esa Veyganing "Selta" bilan shartnomasida tovon puli sifatida ko‘rsatilgan. Qayd etilishicha, yarim himoyachi uchun kurashda “Liverpul” ham ishtirok etmoqda.
Veyga Ispaniya chempionatining so‘nggi mavsumining asosiy kashfiyotlaridan biriga aylandi. 21 yoshli yarim himoyachi La Liganing 36 o‘yinida 11 ta gol va 3 ta golli uzatmani amalga oshirgan.