Лондоннинг "Челси" клуби жамоа бош мураббийи Маурисио Почеттино қизиқиш билдираётган ярим ҳимоячи Габри Вейга трансфери бўйича келишув шартларини билиш учун Испаниянинг "Сельта Виго" клуби билан боғланди.
Журналист Фабрицио Романонинг сўзларига кўра, "кўклар" футболчини 40 миллион еврога сотиб олиши мумкин, бу эса Вейганинг "Сельта" билан шартномасида товон пули сифатида кўрсатилган. Қайд этилишича, ярим ҳимоячи учун курашда “Ливерпуль” ҳам иштирок этмоқда.
Вейга Испания чемпионатининг сўнгги мавсумининг асосий кашфиётларидан бирига айланди. 21 ёшли ярим ҳимоячи Ла Лиганинг 36 ўйинида 11 та гол ва 3 та голли узатмани амалга оширган.