Saudiyaning "Al-Hilol" klubining yangi himoyachisi Kalidu Kulibali sobiq jamoasi "Chelsi" haqida fikr bildirdi. Eslatib o‘tamiz, 32 yoshli futbolchini sotish orqali "ko‘klar" taxminan 20 million yevro ishlab oldi.
"Chelsi"da o‘ynash menga qimmatli tajriba berdi, ammo zaxira o‘rindig‘ida o‘tirishni istamayman. Men o‘zimni ko‘proq qadrlaydigan joyda bo‘lishni afzal ko‘raman", - dedi senegallik himoyachi.
Kulibali "Chelsi" bilan bor-yo‘g‘i bir mavsum o‘tkazdi va jamoa bilan Angliya Premyer-ligasida o‘n ikkinchi o‘rinni egalladi. Ilgari Kalidu Italiyada "Napoli"da o‘ynagan va u yerda A Seriyaning eng yaxshi himoyachilaridan biri bo‘lgan.
