Саудиянинг "Ал-Ҳилол" клубининг янги ҳимоячиси Калиду Кулибали собиқ жамоаси "Челси" ҳақида фикр билдирди. Эслатиб ўтамиз, 32 ёшли футболчини сотиш орқали "кўклар" тахминан 20 миллион евро ишлаб олди.
"Челси"да ўйнаш менга қимматли тажриба берди, аммо захира ўриндиғида ўтиришни истамайман. Мен ўзимни кўпроқ қадрлайдиган жойда бўлишни афзал кўраман", - деди сенегаллик ҳимоячи.
Кулибали "Челси" билан бор-йўғи бир мавсум ўтказди ва жамоа билан Англия Премьер-лигасида ўн иккинчи ўринни эгаллади. Илгари Калиду Италияда "Наполи"да ўйнаган ва у ерда А Сериянинг энг яхши ҳимоячиларидан бири бўлган.
