"Tottenxem" markaziy himoyachisi Yafet Tangangaga "Atalanta" qiziqish bildirmoqda.
Angliyalik futbolchi o‘tgan yozda Italiyada bo‘lishi mumkin edi, o‘shanda "Milan" unga da’vogarlik qilgan edi, ammo kelishuv amalga oshmadi.
Jurnalist Daniele Longo xabariga ko‘ra, hozirda "Atalanta" "shporlar"ning 24 yoshli futbolchisi bilan shartnoma imzolashdan manfaatdor. Londonliklar markaziy himoyachi bo‘yicha takliflarni ko‘rib chiqishlari mumkin, chunki u kamdan-kam hollarda asosiy tarkibga kiritilmoqda.
Yafet Tanganga o‘tgan mavsumda "Tottenxem"ning 7 ta o‘yinida maydonga tushib, bitta golga assistentlik qildi.
