"Roma" moliyaviy feyr-pley qoidalariga rioya qilmagani uchun UEFAga taxminan 5 million yevro jarima to‘laydi.
CalcioMercato ma’lumotlariga ko‘ra, 30 iyunga kelib, "Roma" taxminan 26 million yevro sarmoya olishi mumkin edi. 100% balansni qondirish uchun klub 28 million yevrodan sal ko‘proq kapital o‘sishiga erishishi kerak edi. Natijada UEFA "Roma"ni 5 million yevro atrofida jarimaga tortdi.
Agar moliyaviy feyr-pley qoidalarini jiddiyroq buzgan bo‘lsa, jarima miqdori 50 million yevrogacha bo‘lishi mumkin. Bundan tashqari, "Roma" qaydnomadagi futbolchilar soni 25 tadan 23 taga kamayishi yoki yevrokuboklarda qatnashishi taqiqlanishi mumkin.