"Chelsi" yarim himoyachisi Kallum Xadson-Odoi ushbu transfer oynasida London klubini tark etmoqchi. Britaniyaning Daily Mail nashri xabariga ko‘ra, futbolchiga "Milan" va "Fulxem" klublari qiziqish bildirmoqda.
Manbaga ko‘ra, 22 yoshli angliyalik yarim himoyachi muntazam o‘ynashni istaydi va "Chelsi"da cheklangan o‘yin vaqtiga ega bo‘lishi mumkin. Qayd etilishicha, “ko‘klar” uni qo‘lga kiritish bo‘yicha takliflarni tinglashga tayyor. Futbolchining London klubi bilan shartnomasi 2024 yilning yoziga qadar mo‘ljallangan.
2022/2023 yilgi mavsumda Xadson-Odoi Leverkuzenning "Bayer" klubida ijara asosida o‘ynagan. Yarim himoyachi Bundesligada 14 ta o‘yin o‘tkazib, bitta golga assistentlik qilgan.
