"Челси" ярим ҳимоячиси Каллум Хадсон-Одои ушбу трансфер ойнасида Лондон клубини тарк этмоқчи. Британиянинг Daily Mail нашри хабарига кўра, футболчига "Милан" ва "Фулхэм" клублари қизиқиш билдирмоқда.
Манбага кўра, 22 ёшли англиялик ярим ҳимоячи мунтазам ўйнашни истайди ва "Челси"да чекланган ўйин вақтига эга бўлиши мумкин. Қайд этилишича, “кўклар” уни қўлга киритиш бўйича таклифларни тинглашга тайёр. Футболчининг Лондон клуби билан шартномаси 2024 йилнинг ёзига қадар мўлжалланган.
2022/2023 йилги мавсумда Хадсон-Одои Леверкузеннинг "Байер" клубида ижара асосида ўйнаган. Ярим ҳимоячи Бундеслигада 14 та ўйин ўтказиб, битта голга ассистентлик қилган.
