"Chelsi" yarim himoyachisi Meyson Maunt London klubini tark etayotganini rasman tasdiqladi.

Maunt o‘zining ijtimoiy tarmoqlarida e’lon qilingan videomurojaatida bu qarorni qabul qilish unga oson bo‘lmaganini aytdi.

Shuningdek, Maunt klub bilan aloqador bo‘lgan barchaga: "Chelsi" tarkibida uzoq yillar davomida uning oilasiga aylangan xodimlar, murabbiylar va futbolchilarga minnatdorchilik bildirdi.

Maunt "Chelsi" tarbiyalanuvchisi hisoblanadi. U asosiy jamoa safida 195 ta o‘yin o‘tkazib, 33 ta gol urgan va 37 ta golga assistentlik qilgan.