"Челси" ярим ҳимоячиси Мэйсон Маунт Лондон клубини тарк этаётганини расман тасдиқлади.

Маунт ўзининг ижтимоий тармоқларида эълон қилинган видеомурожаатида бу қарорни қабул қилиш унга осон бўлмаганини айтди.

Шунингдек, Маунт клуб билан алоқадор бўлган барчага: "Челси" таркибида узоқ йиллар давомида унинг оиласига айланган ходимлар, мураббийлар ва футболчиларга миннатдорчилик билдирди.

Маунт "Челси" тарбияланувчиси ҳисобланади. У асосий жамоа сафида 195 та ўйин ўтказиб, 33 та гол урган ва 37 та голга ассистентлик қилган.