La Liga rahbariyati EA Sports bilan hamkorlik qilish orqali turnirni yangi bosqichga olib chiqishni rejalashtirmoqda. Endi o‘yinlar monitor orqali yanada reallik kasb etadi.

Ispaniya chempionati rasmiylari liganing kelasi mavsum teletomoshabinlar uchun qanday ko‘rinishda bo‘lishi haqidagi eskizlar bilan bo‘lishdi.

Jonli statistika va o‘yin shablonlari bahs haqida batafsil ma’lumot beradi.

Yuqori tezliklar, o‘yinchilarning pozisiyalari, o‘tish zonalari va himoyalanish taktikasi – bu translyasiya paytida tez-tez ko‘rishingiz kerak bo‘lgan narsalar.

Hatto o‘yinchilar haqida ham batafsil ma’lumotlar beriladi!

La Liga prezidenti Xavyer Tebas shunday degandi: "Bugun biz ispan futboli va dunyo uchun inqilobiy o‘zgarishlarni ifodalovchi yangi davrni boshlaymiz.

Biz buni klublar va EA Sports kabi strategik hamkorlar bilan o‘ralgan holda amalga oshiramiz, ularsiz bularning hech biri mumkin bo‘lmaydi. Biz birgalikda jamiyat uchun yaxshiroq futbol tizimini yaratmoqchimiz. Strategik sheriklarni qo‘llab-quvvatlash asosiy me’zon bo‘lib qoladi. La Liga noyob mahsulotni taklif qilmoqda. Bu ko‘p maqsadli loyiha bo‘lib, u barcha yoshdagi odamlarga manzur bo‘ladi”, – dedi Tebas.