"Barselona" futbol klubi o‘tgan mavsum uchun rekord darajada chipta sotdi. Xabarlarga ko‘ra, klubning sotuvlardan ko‘rgan foydasi jami 154.8 million yevroni tashkil etgan. Bu esa prognozlardan 18 foizga ko‘proqdir.
Shuningdek, klub tijoriy hamkorliklardan jami 97.6 million yevro ishlab topgan. "Barsa" sotuvlarining umumiy hajmi 54 foizga oshgan. Klub Ispaniya bo‘ylab mavsum davomida 7 ta yangi do‘kon ochgan bo‘lib, uning bittasi Madrid shahrida joylashgan.