"Chelsi", "Manchester Yunayted" va "PSJ" so‘nggi lahzada "Atletiko Paranaense" hujumchisi Vitor Rokeni "Barselona"dan ilib ketishga harakat qilmoqda, deb xabar beradi Sport.es.
Avvalroq "Barselona" 18 yoshli braziliyalik futbolchining transferini 35 million yevroga kelishib olgani haqida xabar berilgandi. Manba bergan xabarga ko‘ra, shunga qaramay, yuqoridagi klublar hujumchi uchun katta summa taklif qilishga tayyor.
Roke 2023 yilda klub safida barcha turnirlarda 25 ta o‘yinda maydonga tushib, 10 ta gol va 5 ta golli uzatmani amalga oshirgan. Transfermarkt portali uning narxini 18 million yevroga baholamoqda.