"Челси", "Манчестер Юнайтед" ва "ПСЖ" сўнгги лаҳзада "Атлетико Паранаэнсе" ҳужумчиси Витор Рокени "Барселона"дан илиб кетишга ҳаракат қилмоқда, деб хабар беради Sport.es.
Аввалроқ "Барселона" 18 ёшли бразилиялик футболчининг трансферини 35 миллион еврога келишиб олгани ҳақида хабар берилганди. Манба берган хабарга кўра, шунга қарамай, юқоридаги клублар ҳужумчи учун катта сумма таклиф қилишга тайёр.
Роке 2023 йилда клуб сафида барча турнирларда 25 та ўйинда майдонга тушиб, 10 та гол ва 5 та голли узатмани амалга оширган. Transfermarkt портали унинг нархини 18 миллион еврога баҳоламоқда.