Ronald Kuman "Barselona"ni yoshi kattaroq futbolchilarni transfer qilgani uchun tanqid qildi.
"Tashqaridan qaralsa, shartnoma imzolagan futbolchilarning yoshini muhokama qilish mumkin. Ular na moliyaviy, na futbol nuqtai nazaridan kelajak uchun ishlamaydi. Gyundogan ajoyib futbolchi, lekin u bilan ertaroq shartnoma imzolanishi kerak edi. Kelajakka qarashi kerak bo‘lgan klub uchun... Va ular bilan ikki-uch yilga shartnoma tuzadilar.
Murabbiy bo‘lganimda pul yo‘q edi. Qarasam, Pedri, Niko, Gavi bor... Biz Niderlandiyada yoshlarga imkoniyat berishga odatlanganmiz. Yaxshi kelajakka ega bo‘lish uchun ishlash kerak.
Bu faqatgina Gyundogan haqida ham emas. Har mavsumda bu yoshdagi ikki-uch nafar futbolchi bilan shartnoma imzolay olmaysiz. Kelajak haqida o‘ylab ko‘rsangiz, 32 yoki 33 yoshli futbolchidan ko‘ra 22 yoshli futbolchi yaxshiroq", - dedi hozirda Niderlandiya terma jamoasida ishlayotgan "Barselona"ning sobiq murabbiyi.
"Barselona" oktyabr oyida 33 yoshga to‘ladigan Ilkay Gyundogan va shu yozda 32 yoshli Inigo Martines bilan shartnoma imzoladi. Ikkala futbolchi ham erkin agent sifatida harakat qilishdi.
