"Lester" hujumchisi Kelechi Ixenacho Saudiya Arabistoni klublarining qiziqishlari doirasiga tushib qoldi. Jurnalist Florian Plettenbergning yozishicha, nigeriyalik futbolchining transferiga bir qancha mahalliy jamoalar qiziqish bildirmoqda.

Shu bilan birga, forvard xizmatlariga Angliya Premyer-ligasining nomi oshkor etilmagan 5 ta klubi ham qiziqish bildirmoqda. Kelechi Ixenacho hali kelajagi borasida yakuniy qarorga kelgani yo‘q.

Eslatib o‘tamiz, Kelechi avvalroq "Manchester Siti"ni sharafini himoya qilgandi. "Lester" o‘tgan mavsumda Chempionshipga tushib ketdi. Ixenacho o‘tgan mavsumda Premyer-ligada 5 ta gol urdi va 5 ta golli uzatmani amalga oshirdi.