"Yuventus" hujumchisi Dushan Vlaxovich yozgi transfer oynasida "Chelsi"ga o‘tishi mumkin.
Jurnalist Alfredo Pedullaning yozishicha, serbiyalik futbolchi klubdagi hozirgi holatidan qoniqmayapti va klubini o‘zgartirishga tayyor. Biroq, Vlaxovich faqat taklif unga yoqsa, ketishni xohlaydi.
Manbaning ta’kidlashicha, "Yuventus" va "Chelsi" boshqa transfer muammolari tufayli hozirda to‘g‘ridan-to‘g‘ri muzokara olib bora olmayapti.
Qayd etilishicha, barcha savollar yopilishi bilanoq “ko‘klar” Vlaxovichni darhol sotib olishga harakat qiladi.
Oldinroq "Yuventus" Vlaxovichni "Chelsi"ga 60 million yevroga sotishdan bosh tortgani xabar qilingandi.
