"Ювентус" ҳужумчиси Душан Влахович ёзги трансфер ойнасида "Челси"га ўтиши мумкин.
Журналист Алфредо Педулланинг ёзишича, сербиялик футболчи клубдаги ҳозирги ҳолатидан қониқмаяпти ва клубини ўзгартиришга тайёр. Бироқ, Влахович фақат таклиф унга ёқса, кетишни хоҳлайди.
Манбанинг таъкидлашича, "Ювентус" ва "Челси" бошқа трансфер муаммолари туфайли ҳозирда тўғридан-тўғри музокара олиб бора олмаяпти.
Қайд этилишича, барча саволлар ёпилиши биланоқ “кўклар” Влаховични дарҳол сотиб олишга ҳаракат қилади.
Олдинроқ "Ювентус" Влаховични "Челси"га 60 миллион еврога сотишдан бош тортгани хабар қилинганди.
