Hech kimga sir emaski, Karlo Anchelotti 2024 yilning iyunida Braziliya terma jamoasi bosh murabbiyi lavozimini egallaydi. Demak, u 2023/24 yilgi mavsum yakunlanganidan keyin “Real”ni tark etadi.
"Qaymoqranglilar"ning Karlo ota ketganidan keyin qanday rejalari borligini bilmaymiz. Ammo Florentino Peres italiyalik murabbiyga o‘rinbosar tanlashda e’tiborga olishi mumkin bo‘lgan murabbiylar ro‘yxatini keltiramiz.
Raul
Ispaniyalik - bu aniq tanlov. Klub afsonasi, u istiqbolli murabbiy va hozirda "Kastilya"da ishlaydi va u yerda juda muvaffaqiyatli mavsumlarni o‘tkazmoqda. Savol shundaki, u katta sahnaga tayyormi?
Zinedin Zidan
Yana bir aniq nomzod. Zizu 2021 yilda Bernabeudagi murabbiylik lavozimini tark etgach, ozod bo‘lgandi. U dunyoning eng yaxshi murabbiylaridan biri ekanligini isbotladi va Madridda Anchelotti merosini davom ettira oladi.
Antonio Konte
Italiyalik murabbiy “Tottenxem”ni tark etganidan keyin klubsiz qolmoqda. "Shporlar"dagi yomon o‘yinlaridan tashqari, u ishlagan hamma joyda unvonlarni qo‘lga kiritgan va Madridga o‘tish ehtimoli bor.
Joze Mourinyo
"Roma"da hozirgacha "special one", juda cheklangan byudjetda ishlamoqda, lekin baribir muvaffaqiyat qozonmoqda. Mourinyo Madrid afsonasi va uning "Real"ga qaytishi uning bu maqomini mustahkamlashi mumkin.
Maurisio Sarri
Sarri "Lasio" uchun ajoyib ishlarni amalga oshirib, jamoaga o‘tgan mavsum A Seriyada ikkinchi o‘rinni egallashiga yordam berdi. Sarri avvalroq “Napoli”da muvaffaqiyat qozongan, “Chelsi” bilan Yevropa Ligasida g‘alaba qozongan va “Yuventus”ni A Seriyaning so‘nggi chempionligiga olib chiqqan.
Imanol Alguasil
Agar Madrid La Ligada murabbiy izlayotgan bo‘lsa, Imanol ajoyib tanlov. Basklik mutaxassis "Real Sosyedad"ni 2022/23 yilgi mavsumda to‘rtinchi o‘ringa olib chiqdi, ya’ni uning jamoasi o‘z tarixida beshinchi marta Chempionlar ligasida o‘ynaydi.
Xabi Alonso
"Real Madrid"ning sobiq o‘yinchisi "Bayer" bilan ajoyib ish olib bormoqda. Xabi kelishidan oldin Bundesliga turnir jadvalida oxirgi o‘rinni egallagan jamoani bir yildan kamroq vaqt o‘tmasdan Yevropa ligasining yarim finaliga olib chiqdi.
Madridliklar boshqaruvida kimni ko‘rishni xohlaysiz?
