O‘z vaqtida "Bavariya" va "Barselona"da to‘p tepgan chililik yarim himoyachi Arturo Vidal yangi klubga o‘tganidan xabaringiz bor. U endi Braziliyaning "Atletiko Paranaense" klubi sharafini himoya qiladi.
Klub matbuot xizmatiga bergan ilk intervyusida Vidal yangi jamoasida muvaffaqiyat qozonish uchun hamma narsani qilishini aniq aytdi.
"Vidalning eng yaxshi variantini endi ko‘rasiz, maydonda muhim, ajoyib bo‘lish uchun o‘zimda kuch his qilyapman.
Ishonchim komilki, faoliyatimning ushbu bosqichi eng yaxshisi bo‘ladi", - deya Vidalning so‘zlarini keltiradi Italiyaning ITASportPress agentligi.
Arturo Vidal avvalroq Braziliyaning boshqa bir klubi “Flamengo”da o‘ynagan.
