Ўз вақтида "Бавария" ва "Барселона"да тўп тепган чилилик ярим ҳимоячи Артуро Видаль янги клубга ўтганидан хабарингиз бор. У энди Бразилиянинг "Атлетико Паранаэнсе" клуби шарафини ҳимоя қилади.
Клуб матбуот хизматига берган илк интервьюсида Видаль янги жамоасида муваффақият қозониш учун ҳамма нарсани қилишини аниқ айтди.
"Видалнинг энг яхши вариантини энди кўрасиз, майдонда муҳим, ажойиб бўлиш учун ўзимда куч ҳис қиляпман.
Ишончим комилки, фаолиятимнинг ушбу босқичи энг яхшиси бўлади", - дея Видалнинг сўзларини келтиради Италиянинг ITASportPress агентлиги.
Артуро Видаль аввалроқ Бразилиянинг бошқа бир клуби “Фламенго”да ўйнаган.
