"Chelsi" o‘zining rasmiy saytida braziliyalik vingerni o‘z safiga qo‘shib olganini e’lon qildi. London jamoasiga yangi kelgan o‘yinchi – Anjelo Gabriel.

“Aristokratlar” futbolchining mehnat shartnomasi shartlarini oshkor qilmayapti. Anjelo Gabriel endigina 18 yoshda, biroq u allaqachon "Santos"ning asosiy jamoasi uchun 129 ta o‘yinda maydonga tushgan. Ularda vinger beshta gol urdi va sheriklariga o‘nta golli uzatmani amalga oshirdi.

Qo‘shimcha qilamizki, "Chelsi" o‘tgan mavsumda muvaffaqiyatsizlikka uchradi va APLda atigi 12-o‘rinni egalladi.

Yangi mavsumda londonliklar yevrokuboklarda ishtirok etmaydi. Yaqinda argentinalik mutaxassis Maurisio Pochettino jamoaga bosh murabbiy bo‘ldi.