"Manchester Yunayted" Fransiya terma jamoasi va "Ayntraxt" hujumchisi Randal Kolo Muanini "Atalanta" hujumchisi Rasmus Xyoylunnga muqobil variant sifatida ko‘rib chiqishga tayyor. Chunki, daniyalik futbolchining transferida "mankunianliklar" jiddiy qiyinchiliklarga duch kelishdi, deya xabar bermoqda ESPN nashri.
Manbaga ko‘ra, "qizil iblislar" "Atalanta" Xyoylunning transferiga qo‘yiladigan talablarni kamaytirishga rozi bo‘lmasligidan qo‘rqib, yozda hujum chizig‘ini kuchaytirishning boshqa variantlarini ko‘rib chiqishga majbur. Shu tariqa, avval ham qiziqish bildirgan Randal Kolo Muani "qizil iblislar" uchun eng ustuvor variantga aylanishi mumkin.
2022/2023 yilgi mavsumda Kolo Muani "Ayntraxt" safida barcha musobaqalarda 46 ta o‘yin o‘tkazib, 23 ta gol va 14 ta golli uzatmani amalga oshirdi. Futbolchining Frankfurt klubi bilan shartnomasi 2027 yilning iyun oyi oxirigacha amal qiladi. Transfermarkt portali futbolchining taxminiy narxini 80 million yevroga baholamoqda.
